Ideja e krijimit të shoqatës erdhi si domosdoshmëri e bashkimit të shqiptarëve, i promovimit të vlerave historike, të traditës, kulturës dhe artit. Ky konstrukt shpirtëror u vu në udhën e maturimit gradualisht përmes takimeve të grupeve të ndryshme, bisedave shoqërore dhe u hodh në veprim në fillim të vitit 2020 nga grupi nismëtar që erdhi duke u zgjeruar.

 

Puna e grupit nismëtar gjeti mbështetje në komunitet dhe në datën 15 mars 2020 u themelua shoqata. Në këtë mbledhje themeluese u aprovua emri i shoqatës (ILIRIA), stema e shoqatës në parim, kuotat vjetore për anëtarësinë dhe u diskutua dhe miratua statuti mbi të cilin u vunë themelet e organizimit institucional në vazhdim.